سبت الغسيل
سبت الغسيل مليان هدوم .. عرقانه و مكرمشه
بياضات على غيارات على بيجامات على قمصان
نايلون على أقطان على أصواف
أصناف من الأقمشه
سبت الغسيل ما عرفش يوم الخشا
لمّ الهدوم على بعضها
و كأنه بيضمّها
ريحة بشر
ريحة سفر
ريحة عمل
ريحة قبل
فوق السرير
حكايات على بياضات
روايات على غيارات
أسرار على بعضها
وفى آخر الأسبوع
تكمل هدومنا كلها
نغسلها فى طشت الغسيل
تصبح همومنا كلها
ميّة غسيل
وعلى السطوح ..
الشمس بتنشّف غسيلنا النضيف
بياضات على غيارات على بيجامات على قمصان
نايلون على أقطان على أصواف
أصناف من الأقمشه
سبت الغسيل ما عرفش يوم الخشا
لمّ الهدوم على بعضها
و كأنه بيضمّها
ريحة بشر
ريحة سفر
ريحة عمل
ريحة قبل
فوق السرير
حكايات على بياضات
روايات على غيارات
أسرار على بعضها
وفى آخر الأسبوع
تكمل هدومنا كلها
نغسلها فى طشت الغسيل
تصبح همومنا كلها
ميّة غسيل
وعلى السطوح ..
الشمس بتنشّف غسيلنا النضيف
أمين حداد 1983
تصبح همومنا كلها
ردحذفمية غسيل
تسلم ايدك يا عم امين
والحالة كلها جميلة بجد
ريحة قبل دى اللى كانت غريبة على ودنى حبه
يحدث أحياناأن تقرأ قصيدة فتفاجئك القصيدة بأنها تقرأك
ردحذفوحين أقرأ لك أمنح الروح فرصة للتطهر والعقل مساحة للتأمل.. وفي البلاد البعيدة نقترب من أوطاننا وذكرياتنا وأحلامنا عبر لحن أو صورة أو قصيدة
أنت تكتب القصائد عن تفاصيل مدهشة تتحول تدريجيا إلى صورة ولحن..شكرا لك
Mona said
ردحذفالقصيدة دي فكراها كويس وفرحت بيها تاني!بتفكرني بأيام زمان ما اعرفش ليه
هو انا ازاى بقالى الفترة دى كلها بدون
ردحذفومدخلتش عندك
رائع بجد
الاستاذ امين
ردحذفاكتر من رائعه
فيه حاجات تقراها تحس انه مقفوله جمله تامه مش ناقصها حاجه
حاجه كده اقرب للكمال
ال انت كاتبه كده
حاد ورقيق وبينى وبينك وربة الشعر مش هتغضب
(كامل)
---------
فيه قصيده كاتبها شاعر يابانى اسمه باشو
صعب ان اقطفها
صعب ان اتركها
اه تلك البنفسجه الرائعه
شكرا على القصيده الجميله البنفسجيه
another one lovely piece of yours
ردحذفteslam
هل الأيام حبل غسيل؟
ردحذفأحمد بخيت
صحيح يا ولاد
قد ايه الهدوم
لمانا
ولما معانا هموم!
خنقانا
ومع كل الزحمة
وحمل العفرة
شايلة ودايبة
ومش زعلانة!!
عجبتني الفكرة جدا ..
والتلميحات غير مباشرة
فيها احترام كبير لعقلية القاريء
مساحة فضا كبيرة موجودة علشان تسمح للقاريء بالتفاعل مع الصور
***
أصناف من الأقمشه
سبت الغسيل ما عرفش يوم الخشا
لمّ الهدوم على بعضها
و كأنه بيضمّها
ريحة بشر
ريحة سفر
ريحة عمل
ريحة قبل
فوق السرير
حكايات على بياضات
روايات على غيارات
أسرار على بعضها
وفى آخر الأسبوع
تكمل هدومنا كلها
******
القصيدة فيها عبقرية الشاعر باينة قوي
وده مش بس من حيث اللغة، أو الصور
أو حتي المزيكا وخلاص!! لكن الفكرة كمان جامدة موووووووت
شكرا يا فنان :)
جميل أوي ...والقصيدة إللي قابلها كمان ...
ردحذفسبت غسيل
ردحذففعلا هو سبت غسيل يلم كل حاجة وفى الاخر ترجع تانى سبت الغسيل
لكن البنى آدم عبارة عن سبت غسيل برضة يلم فيه كل حاجة طول اليوم بس للاسف بيطمع فيها ومابيغسلهاش يسيبها جواه وكل يوم يحط عليها غيرها
امتى بقى يا بنى آدم تغسل يومك وتنفض عنك بيضاتك
كلامك بيوجع لكن مين يحس
استاذامين
ردحذفاولا انا فى كل قصيده بلاقى شاعر جديد بجد مبتحاولش تكرر اى الفاظ ومع ذلك قادر تحافظ على الحالة المزاجية فى كل القصائد.
فعلا مش لاقى كلام اقوله بس استاذنك الحن القصيده دى.
ثانيا بالنسبة لرفع امسيات الساقية على المدونة الاول فى كذا برنامج لتقطيع الفيديو حضرتك ممكن تعمل بحث على اى برنامج vedio cutter وبعدين تعملها رفع على النت (uploading) على اى موقع زى (rapid share) مثلا وحط اللينكات على المدونة.
ثالثا انا بدعو حضرتك بالنيابة عن اغضاء فريق صبا لحضور حفلتنا فى الساقية يوم الاحد 3 \6 \2007
بمسرح الحكمة.
بالنسبة للمكتبة الموسيقية (www.studiosaba.blogspot.com)بس لغاية دلوقتى مفيش فيها غير كليبات صغيرة من الحفلة اللى فاتت .
حضرتك لازم تنزل ال toolpar لموقع الرفع اللى عليه الاغانى بس.
طولت غليك معلش
أشكركم جميعاً على كل هذا الاحتفال
ردحذفوالحب
يا هيثم
أنا فتحت الأغانى وسمعتها. جميله
أنا سمّعت "شط بحور" لبهاء جاهين
وهو عاوز يكلمك
حاضر هكلمه
ردحذفمتعرفش حضرتك قد ايه انا اتبسط لما عرفت ان حضرتك دخلت ونزلت الاغانى
هاهاهاها
ردحذفمن الإبداع إنك تقول قصيدة فيها كتير من الخيال و الإحساس المرهف و الملاحظة الدقيقة، لكن في نفس الوقت بدم خفيف كأنك عم تقول نكتة بسيطة يفهمها الكل دون استثناء
مش معقول شو مهضومة و أوريجينال
حبّيتا كتيييييير
:)
كوني بشتغل مسرح، قدرت شوف هالقصيدة كمشهد دمى
و على فكرة، في مسرحية أظن لممدوح عدوان، بيحكي فيها عن الزبالة و منتعرّف عالشخصيات من خلال الزبالة تبعيتُن
أتحفنا يا عزيزي بشوية بناطلين و غيارات من هون و هونيك، و خلي خيالنا يشطح معك
يسلّم تمّك
http://aminhaddad.blogspot.com/
ردحذفأروع ما فى هذه القصيده من وجهة نظرى
ردحذفهو الخيال ... والخيال هنا كان يكمن فى
طريقة عرض القصيده الفنى...وليس خيالا
فى تراكيب الجمل ولا خيالا نابع من الوصف
او من التشبيه ... ولذلك بدت لى
القصيده داخل اطار فنى محترم...لا يقدم
لى المعلومه مباشرة على طبق من فضه
ولكتها تقدم معلومتها منحوته بداخلها
وعلى القارىء البسيط المتفهم ان
يتقبلها باحساسه...هذه القصيده تمس
القلب بشكل مباشر وأيضا قصيده جماهيريه
لانها بسيطه وتصل للكل...ولكنى أركز
فيها على الخيال فى طريقة عرضها ...وهى
نموذج يفتقر اليه كثير من الشعراء .
غسيل كنب بمكة
ردحذفشركة صقر البشاير شركة غسيل مفروشات بمكة تستخدم افضل ادوات التنظيف حتى تساعدك في الوصول الي افضل نتيجة من خدمة التنظيف التى تقدمها لذلك لا تتردد في ان تتصل بها الان للحصول على غسيل كنب بمكة و سوف تساعدك في اسرع وقت ممكن
شركة غسيل مفروشات بمكة
https://elbshayr.com/7/Cleaning-furniture