الوطن
باحب ابنى وبنتى وبيتى ومراتى
باحب أمى وأبويا وجدى واخواتى
باحب مولد الإمام والحاوى والطراطير
باحب صوت الحمام والبط والعصافير
باحب شنطه قماش وسندوتش الفينو
واحب رصة كتب نايمه على الكومودينو
باحب شكل الكليم مفرود على الكنبه
واحب ريحة الترمّاى اللى فى العتبه
باحب ريحة البن لمّا البن يتحمّص
واحب شكل الفشار ع النار بيترقّص
باحب آخر مواصله فى الشتا لبيتنا
واحب ساعة الفطار طبليه لمّتنا
واحب شكل القلل مرصوصه فى صينيه
واحب ضحكة أمينه وخالتى فتحيه
باحب أقرا اليفط وانا راكب الأتوبيس
شارع محمد على ومحل زنكوغراف
دكتور محمد عطيه وترزى أحمد خميس
وسعد لوقا المحامى نقض واستئناف
واحب ليلة السفر ساعة السحر قُمنا
حطينا جوه الشنط ملاياتنا وهدومنا
واحب اسافر لشرق الدلتا بالبولمان
واحب شهدى عطيه اللى اتقتل ظلماً
باحب صوت الغنا ع الطبله فى الأرياف
واحب أسد الهلالى وهو ماسك سيف
واحب كل الجنود فى حرب الاستنزاف
واحب يوم العبور بيحطموا بارليف
باحب كلمة وطن
واحب كلمة شهيد
باحب كلمة محبه
واحب كلمة عيد
باحب أمى وأبويا وجدى واخواتى
باحب مولد الإمام والحاوى والطراطير
باحب صوت الحمام والبط والعصافير
باحب شنطه قماش وسندوتش الفينو
واحب رصة كتب نايمه على الكومودينو
باحب شكل الكليم مفرود على الكنبه
واحب ريحة الترمّاى اللى فى العتبه
باحب ريحة البن لمّا البن يتحمّص
واحب شكل الفشار ع النار بيترقّص
باحب آخر مواصله فى الشتا لبيتنا
واحب ساعة الفطار طبليه لمّتنا
واحب شكل القلل مرصوصه فى صينيه
واحب ضحكة أمينه وخالتى فتحيه
باحب أقرا اليفط وانا راكب الأتوبيس
شارع محمد على ومحل زنكوغراف
دكتور محمد عطيه وترزى أحمد خميس
وسعد لوقا المحامى نقض واستئناف
واحب ليلة السفر ساعة السحر قُمنا
حطينا جوه الشنط ملاياتنا وهدومنا
واحب اسافر لشرق الدلتا بالبولمان
واحب شهدى عطيه اللى اتقتل ظلماً
باحب صوت الغنا ع الطبله فى الأرياف
واحب أسد الهلالى وهو ماسك سيف
واحب كل الجنود فى حرب الاستنزاف
واحب يوم العبور بيحطموا بارليف
باحب كلمة وطن
واحب كلمة شهيد
باحب كلمة محبه
واحب كلمة عيد
أمين حداد 1988
عيد يا عم!
ردحذفيا عيني عليك!
ليك طريقة جميلة ف ضم مفردات الحياة المصرية مع لمسة شخصية.
ردحذفعيد يا عم!
ردحذفيا عيني عليك!
ليك طريقة جميلة ف ضم مفردات الحياة المصرية مع لمسة شخصية.
باحب أقرا اليفط وانا راكب الأتوبيس
ردحذفشارع محمد على ومحل زنكوغراف
دكتور محمد عطيه وترزى أحمد خميس
وسعد لوقا المحامى نقض واستئناف
جميل :))
الله عليك يا عم أمين
ردحذفتسلم ايدك
ايه الدفا ده كله
:))
الله يا أمين. من أكتر الحاجات القديمة ال باحبها لك. مش هتعيد نشر الدواوين القديمة (و المستخبي كله)؟
ردحذفأجملت تلات تربع تفاصيل تفاصيل يومياتنا و اختصرت القاهرة و قربت لاختصار شعور حب الوطن باسلوب سلس اوى و جميل كعادتك
ردحذفامتعنا اكتر...
قصائدك صلاة
ردحذفو..بس
محبتي
انابحب ال بتكتبه لانه سخن
ردحذفكأنه مكتوب دلوقت
طازه
تسلم ايدك
استاذ امين
ردحذفجميل طبعا بس انا عندى سؤال بدافع الانتماءوالله
ايه اللى فى حياتنا ممكن يتحب دلوقتى الصبر ولا الحلم ولا الامل؟
ازيك يا امين
ردحذفيا شاعر يا جميل
يمكن لأن أبويا كمان (أمين )؟
ردحذفيمكن لأنكو في سن بعض بالظبط ؟
يمكن لأنك بتكتب عن التمانينات اللي عشتها - المولود في منتصفها- عشتها بلا وعي .
أو وعي الطفولة .
يمكن شعور الحنين اللي جوايا فيه شوية ..شوية قرابة .
أبويا كمان كان بيكتب زجل في الفترة دي ..و كأن اللي انت كتبته هو بالظبط اللي نسي يكتبه .
الفرق بين النظريات العلمية والمقطوعات الإبداعية إن الأولى ممكن أي حد يتوصل إليها ..وكتير نلاقي نظرية وضعها اتنين أو تلاتة من العُلما في وقت واحد ومن بلاد مُختلفة ومن غير حتى ما يكونوا شافوا بعض في حياتهم .
لكن الفن والإحساس دي حاجات فردية ..مستحيل الموناليزا كانت تطلع من إيد حد تاني غير دافنشي .
مستحيل كلامك الحنين ده كان يطلع من قلب تاني غير قلبك .
بخير أفوتك يا عم أمين .
حسن أمين
اشمعنى هنا بقى الوزن والقافيه اتظبطوا تمام جدا....ليه فى نوع كده من القصايد ونوع تانى احيانا تغيب فيه القافيه فى بيت او بيتين.....ارجوك علمنى
ردحذفأنا بدرس بره مصر و دي مش أول مرة أقرأ قصيدة عن الوطن بس دي أول مرة اعيط لما أقرأ واحدة ....
ردحذف