أحلام العصافير
إلى حليم الذى علق على قصائد المدونة
كل الطيور اللى عاشت معايا
عششت فى شعرى
شفتها بتطير
وشفتها مدبوحة بتجرى
دلوقتى باسأل نفسى
ـ هل احنا بنيجى فى أحلام العصافير ؟
مش مهم ! ـ
نرجع تانى لحكاية الشعر أبو الأساطير
ممكن أنا وانت نألف قصيدة دلوقتى وانت قاعد ويايا وقصادنا السما والأرض
شايفينهم لامسين بعض
أنا حابتدى وحاقول: ـ
ـ السما بتميل ع الأرض علشان تملا الميه وتروح تسقى عريسها إله النيل
وانت تقول: ـ
ـ السما عطشانه والأرض سبيل
وأقول لك: ـ
ـ السما ملايه والأرض سرير
وتقول لى : ـ
ـ السما كبايه والأرض صينيه مشجره
ونفضل نقول : ـ
ـ السما حلم والأرض أمنيه
ـ السما معنى والأرض حقيقه
ـ السما مضيئة والأرض لعنه
ونقول : ـ
ـ اللقا مستحيل بينك وبين اللى عشته زمان إلا فى الأحلام أو لانهاية الأفق البعيد
يعنى الشعر ترديد
بس برضه .... الشعر بيلزمه جماهير
من البشر بأسماءهم
ومن الشهداء بدماءهم
ومن الملايكه ببهاءهم
ومن الطيور .... اللى بتوصل السما بالأرض
علشان كده
الشعرا بيدخلوا فى أحلام العصافير
والعصافير بتعشش فى أشعارهم
عششت فى شعرى
شفتها بتطير
وشفتها مدبوحة بتجرى
دلوقتى باسأل نفسى
ـ هل احنا بنيجى فى أحلام العصافير ؟
مش مهم ! ـ
نرجع تانى لحكاية الشعر أبو الأساطير
ممكن أنا وانت نألف قصيدة دلوقتى وانت قاعد ويايا وقصادنا السما والأرض
شايفينهم لامسين بعض
أنا حابتدى وحاقول: ـ
ـ السما بتميل ع الأرض علشان تملا الميه وتروح تسقى عريسها إله النيل
وانت تقول: ـ
ـ السما عطشانه والأرض سبيل
وأقول لك: ـ
ـ السما ملايه والأرض سرير
وتقول لى : ـ
ـ السما كبايه والأرض صينيه مشجره
ونفضل نقول : ـ
ـ السما حلم والأرض أمنيه
ـ السما معنى والأرض حقيقه
ـ السما مضيئة والأرض لعنه
ونقول : ـ
ـ اللقا مستحيل بينك وبين اللى عشته زمان إلا فى الأحلام أو لانهاية الأفق البعيد
يعنى الشعر ترديد
بس برضه .... الشعر بيلزمه جماهير
من البشر بأسماءهم
ومن الشهداء بدماءهم
ومن الملايكه ببهاءهم
ومن الطيور .... اللى بتوصل السما بالأرض
علشان كده
الشعرا بيدخلوا فى أحلام العصافير
والعصافير بتعشش فى أشعارهم
أمين حداد
يسعدنى أن أكون أول من يترك تعليقه على قصيدة حضرتك المذهلة للقلب والروح والعقل
ردحذفيعنى الشعر ترديد"
"بس برضه .... الشعر بيلزمه جماهير
فعلا الفن كله مراية ورد فعل واقعنا الداخلى والخارجى
والطرف التانى لمعادلة حضرتك هو إن الجماهير يلزمها الشعر برضك
أتذكر قول أحمد
الناس محتاجة قلوب"
الناس محتاجة براح
"علشان تفرد جناحتها
وإيه غير الشعر هو اللى يعمل كده؟
والإنفصال بين الشعر وجمهوره هو قبة سما بلا أرض وأرض بلا قبة سما
شكراً تانى على القصيدة اللى بأحس غير إنها مهدية لحليم شخصيا غير إنى بأحس إنها مهدية لكل واحد بيحب الشعر والفن مضموم بناسه
متهيالى القصيدة دى يا استاذ امين تعتبر سكة بجد مختلفة فى شعر العامية التفعيلة
ردحذفالتحاور اللى بينك وبين الاخر سواء كان انت او صاحبك او الورقة بيفتح سكك ومعانى كثيرة قوى
لاول مرة اشوف عمق عن طريق ابسط البساطة
أشكركم على التعليقات يا سهروردى ويا هيثم
ردحذفالحقيقة انى ما اعرفش حليم
كنت عايز أرد على أسئلته قام طلع هو ده الرد
علشان كده هو بالنسبة لى أى شاعر جديد عايز يكتب شعر
أنا سعيد انها عجبتكم
http://aminhaddad.blogspot.com/
ردحذفالقصيده كانت ابلغ رد ....وقد تكون افضل من اى جمله...او من اى علم..
ردحذفممكن ان تعطينى اياه....لقد استوعبت الفكره جيدا.....
حليم
وعرفت حكاية العصافير...اللى ممكن ان تصل السماء بالارض وهى الوحيده القادره على ذلك....وما دامت ان لها هذه القدره فعلينا ان نسعى وراء العصافير فى اشعارنا ....
ردحذفوهى رمز للخيال وحرية التعبير ببساطه بعيدا عن الطريقه الاسطوريه لكتابة الشعر.....وفعلا بدات اطور نفسى واتعلم على هذا النحو .....اوازن بين حرية التعبير وبين ترديد الشعر كما قلت فى قصيدتك اى انه يحتاج الى موسيقى نابعه من الكلمه ذاتها عن طريق قافيه طيعه يشكلها الشاعر كيفما يريد.....
حليم
وارجوك لو تتكرم سيادتك وتكلمنى
على تليفونى الارضى
0242188421
او المحمول
0167695114
او
0102027345
واليك فى الرد التالى واحده من قصائدى
قبل القصيده ...فى كلمتين عايز اقولهم...
ردحذفممكن اكون فاكر نفسى بكتب هكويس...واكون مجرد واحد نفسه يكتب فبيكتب....ممكن اكون سطحى وساذج اصل الى درجة الهيافه....وممكن ان اكون لى رؤيه وفلسفه معينه...ممكن يكون لى قدره على التفريق بين ادب التعبير وادب التفسير.....ممكن اكون ده وممكن اكون ده.....بس معرفش مين انا....
ولذلك عايز حضرتك توجهنى ....
القصيده بعنوان
ردحذفخيالات تصوير الملازم
وفى غيرها كتير هكتبهم لحضرتك تدريجيا....
بتقول...
رايح اصور ملازم
ف ميدان التحرير
قلت خلاص مش لازم
كفايه كده تصوير
ونزلت عماد الدين
هناك..الخلق معديين
اشى سينما ومسارح
وانا فى المذذ سارح
عجبنى شكل التين
قطعت شارع فؤاد
على طلعت حرب باشا
لاقيت كل المواد
ع الرف كانت بكاشه
بتبصلى م الفتارين
تيجى ايه دى م الايس كريم
ولا ايه جنب الحريم
اللى بيزغللوا عيونا
واللى بيزغزغوا عقولنا
وف الصيام نبقى فاطرين
بنات بجونله زى الفراشات
وولاد بفانله عليها قفشات
من غير لياقه
والشمس حراقه
قام القفى شاط
ودى موضة النادرين
صبيان وصبايا فى الفتارين
دوقنى طعم السودانى
واكسينى زى اليونانى
والشاورمه مجننانى
لايقه ع العيش الشامى
رقصنى على واحده ونص
فوقنى وادينى بالبوكس
وان رديت ورجعت بص
دخلنى على سينما ميامى
وطلعت السلطان اتعشى
طبق كشرى بالشطه
ونزلت لوحدى اتمشى
فينك يا بت يا بطه
نعط عطه
يووووووه...يعنى كان لازم
انزل اصور ملازم
ادينى اتقفشت
م البيه الملازم
ف الشرطه هفضل معزوم
ولا عمرى هبات عازم
ادى ورقه اتنين تلاته
تقل الحبر والنبى
يا عم حازم
حليم...
واليك القصيده الثانيه وهى بعنوان
ردحذفجدى الكبير
ميت قصه وميت حدوته
حلوه لكن ملتوته..بريحة
حكاوى زمان...........
عن زمان جدى الكبير
بيقولوا مارس
ده تاريخ ميلاده
بيقولوا فارس
من يوم ميلاده
تشهد عليه روح المكان
الحكاوى ف القهاوى والغيطان
السنابل والعروش والعيدان....
حتى الكيزان.....
كان فى عدله يتظبط ليه الميزان
البرق ويا الرعد
لما بيحبوا بعض
تنزل نقطه بنقطه
تكسى جناين ورد
وجناين تفاح
كام ورقه وكام مفتاح
كان يرتاح...ف السياله
كان رهن اشارته..خدم وعبيد
كان له هيبه وهاله
واللى باقي لى منه صوره
والصور ساعات كتير بتجيب احزان
تمسك فرشة الوان
ترسم صوره باهته من غير الوان
يبقى لك عنوان
ترسم طفل شارد من غير عنوان
يبقى لك خلان
ترسم قائد بيحارب من غير اعوان
ده الرسم صحيح ساعات كتير بيجيب احزان
ممكن يكون بقال...ممكن يكون عتال
وجايز مات من الديانه...
ويمكن كان اجرى بمهيه م العزيق ف الارض
وكان له بقره عيانه......
يمكن ده...ويمكن ده
ويعدى عيد ورا عيد
ولا زال جدى الكبير
قصة اسطوره ف حدوته
ف كتاب قديم...لونه عديم
امضاء:حليم
والقصيده الثالثه بعنوان
ردحذفتوابع ليلة الامتحان
ف الامتحان بتعض ايدك ليه
مش لو معاك برشامه يا بيه
كنت بلعتها وطرشت فى الورقه
والمراقب لسه مجاش م الكبانيه
بتبص جنبك وبتتلفت على ايه
ما اللى جنبك ميفرقش عنك
وتلاقيه ياما نفسه يبقى زيك
حمار متساق ما يعرف ليه
عين المراقب منفنجله يادى النيله
وهتعمل ايه يا فالح يا قليل الحيله
لو عملت حساب ليوم زى ده
صدقنى كنت هتبات تاكل النجيله
ايييه دنيا وبنتعمل فيها ومنها
والعلام مش بالساهل ناخده
واللى يعيش من غيره بينها
هتكون عيشته نصر يدينها
اد ايه طارت ايديا وطرقعت ع خد اخويا
اد ايه طحت ف امى واتمرمط معايا ابويا
طالب السماح يا اهل السماح غيتونى
راح الوقت وعدى والسؤالات فاتونى
لو ابوح بزنقتى للمغرور وسيطه
لو اروح لكل فلاح ان كان فبيته
واقوله واحكيله ع اللى رائيته
مكنش انفلت عياره وساب غيطه
عارف النتيجه ايوه من قبل ما تظهر
ومقدمتش سبت عشان ييجى الحد
بس كنت مع الشله ف القهوه بسهر
وطال سهرى وشقيت مش زى حد
امضاء: حليم
والقصيده الرابعه
ردحذفبعنوان
حضن الام الكبير
طلبوها للجواز
عمال وصنايعيه
وناس مراعيه
غنم ومعيز
ع الزراعيه
تجار ومراكبيه
وناس مهلبيه
عمه وقفطان
وشال وجلابيه
واللى اكتر مين
جهله ومتعلمين
وعلما مجهولين
وشين وره وعين
يعنى شرع
فى شرع مين
مين يشيل ملايين
ويقبل يشيل تانيين
عليها الحمل كتير
وكتير مش دريانين
وجيم وواو وزين
يعنى جوز
يجوز الواحده يجوز
يكون ليها جوز
لكن لما تعوز
يكون ليها اكتر
نقول لا يجوز
يا احمر
يا اسمر
يا عنتوظ
شبه الكوز
ع راسه
فانوس
يمشى محروس
لو وقع الكوز
ضاع الفانوس
يرجع عنتوظ
والاحمر
والاسمر
والعنتوظ
كلهم شبه
البارغوث
والبت وحيده
اخواتها فى حيره
ما شاء الله كتيره
سعديه
شميه
وتوحيده
قفلوا الابواب والسيره
واتسطلوا من شرب البيره
لتوا وعجنوا ايدهم خميره
دهنوا بيها الضفيره
نسيوا اختهم الكبيره
اللى وقفت جنبهم
اللى شالت همهم
اللى كانت امهم
اللى لفت بيهم كلهم
الشوارع والحارات
كان عليها امارات
بتقول مزاد يا حضرات
ع البت اللوزه المكسرات
قلبوها خناقه
ساقوا الدناءه
فوزى وفايز وفواز
كسروا القزاز
جابوا الجاز
حرقوا الجهاز
مالهمش عازه
غير الجوازه
البت طهقت
لكن ما طفشت
وقفت وثبتت
قالت بحكمه
منفعش اكون ليكوا
ولا تبقوا ليا
كلكوا مادين ايديكوا
طالبين ايديا
وده غاية منايا
احلامى وهوايا
تكونوا ايد واحده
طالبه ايد واحده
وعشان كده طمعتكوا يا بعدا
ارجعولى فى حضنى سعدا
امضاء: حليم
والقصيده الخامسه
ردحذفبلا عنوان
اتشيكوا واتأنتكوا........وتروشنوا واتامركوا
طلعوا العيال فى شله........بالعربيه يخمسوا
ومعاهم تعميره فله..........وقعدوا يهيسوا
حشيش وبانجوا وكله........اكيد هيتيسوا
والواد ابو لبانه القله.........عليه يتمألسوا
جه البوليس بالقوه..........ايه يا واد انت وهوه
بالمحبه وبالاخوه...........تتقسم نص العبوه
نص ليا .............والباقى لكوا
عقبال عندكوا ......عقبال عندكوا
اتشيكوا واتانتكوا..........واتروشنوا واتأمركوا
اما العيال الغلابه..........متجمعين فى الخرابه
وبدل ما ياكلوا لقمه..........بالكله يغمسوا
يعنى جت عليهم ............ اهم بينفسوا
جه البوليس كالعاده..........فى البوكس خدهم زواده
واترقعوا حتة علقه...........من الباشا ابو بدله ساده
والتقوا حالهم فى النيابه.......ما هو ده حال الغلابه
يترموا ييجى كام سنه.........والحبس يلهف عمرهم
عمرهم داقوا الهنا ؟ .........زى اللى كانوا فى عمرهم
وليه يا باشا الحبس........... ميبقاش زى العبوه
برده اقسم بالنص............. ولا انت عامل فتوه
وعقبال عندكوا.................عقبال عندكوا
اتشيكوا واتانتكوا...............وتروشنوا واتامركوا
امضاء : حليم
والقصيده السادسه
ردحذفبعنوان
طابور الغبانين
وراه كمان واحد
وواحد زائد واحد
عاملين طابور الغلبانين
طابور العيش فى الصبح
لقمه ماسخه تاكلها تكح
وده كله عشان الشح
هنقول ايه بقى ع الصبح
محتاجين له محتاجين
طابور مدرسه وتحية علم
طالب ماسك فى ايده قلم
وجوا راسه ميت الم
وفى النهايه ومع الندم
شيال بيناول شيالين
طابور مقشه وجاروف
فيه التعب والخوف
وفيه اللعب ع المكشوف
واللى يعيش ياما يشوف
عفريته لابسه بنى ادمين
طابور كبير مالوش اخر
اللى بيطلع مبينزلش
واللى بينزل ميطولش
يضرب يتخانق ما تتاخر
لكين هيسبق مين
كل شىء باوانه
ونقوله بس امين
فى الصبح وف ادانه
منعرفش الدور على مين
وغلبنا نسأل احنا مين
عايشين ولا ميتين
فى طابور الغلبانين
امضاء: حليم
والقصيده السابعه
ردحذفهى قصيره جدا وكانت اثر اعتقال استاذى الدكتور/عصام حشيش
استاذ الموجات الكهرومغناطيسيه
فندمت عليه وبعد تخرجى ودراستى لهندسة الطيران قسم الافيونيكس....قررت ان ابوح بما فى داخلى فى هذه الاسطر
معدش نور الحق طارح بيورق
زى الحلاوه الظلم سارح يتفرق
ليه كل معنى جميل بيتحول
والعدل ليه مادد ايده بيتسول
حد كان ف وشه زمان بيفول
ولا ده كيفه وطبعه م الاول
والشمس صح فى الغرب بتشرق
ولا انا شرقان وم الشرب بهرق
معدش نور الحق طارح بيورق
زى الحلاوه الظلم سارح يتفرق
امضاء: حليم
والقصيده الثامنه بعنوان
ردحذفلما اخرج م الهدوم
جوا حارتنا الكبيره اللى بمشى فيها عوم
المجارى فيها طافحه والشطوط تراب بالكوم
فيها نور قايد وطافى..والمطافى ف كل يوم
لما بتعايق ببدله يرقص لليل للنجوم
يعنى هيا حته زفره ابقى بيه ساعة اللزوم
واما احب ارجع لاصلى....بنكسر اه يا مفاصلى
وابات مشتوم
جوا حارتنا الكبيره اللى بمشى فيها عوم
ف اول شارعنا مكوجى
وكاريتا ماشيه بعربجى
وف اخره واحد قهوجى
جاى ايوه جاى
وينادى واحد شاى
يصبه م الغلاى
ويجيب لى كرسى لو واقف واللى قاعد يقوم
بس لو جلابيتى وسخه هنكرش بضرب الشوم
جوا حارتنا الكبيره اللى بمشى فيها عوم
الحل فين يا ناس قولوا لى خففوا عنى الهموم
يالا يا صحاب الفضايح هاتوا كاميرا واعملوا زووووم
لما امشى عريان بطولى لما اخرج م الهدوم
لما اخرج م الهدوم
لما اخرج م الهدوم
امضاء: حليم
والقصيده التاسعه بعنوان
ردحذفصوت بكا
وهى عن جنين فى بطن امه يفاضل بين نزول للحياه وبين بقاءه فى بطن امه لمبررات فما هى؟؟؟هنعرف فى القصيده وصوت بكا هو رمز للجنين وحزفت الهمزه فى بكا واصلها بكاء
صوت بكا جاى للحياه
بيسأل....لسه لى مكان؟
ولا اخلينى ف مكانى
ع الاقل ابقى ف امان
عايش صحيح ف الضلمه
لكن جوايا نور
ابنى دور ورا دور
م الحب جوا سور
مش احسن برده عما
اعيش مع اللمه
ويكون جوايا ضلمه
وبره نور
عايش صحيح ف الضلمه
لكن جوايا نور
خايف انا منها خايف
وبعينى لبره شايف
يمكن مقدرش افرق
العتمه من النور
بس يالا هعمل ايه
هنزل وامرى عليه
اصل الحياه تبديل
وانا عندى الف دليل
اللى رايح واللى جاى
والنهار والليل
يظهر انه جه عليا الدور
يا خساره...كان جوايا نور
امضاء: حليم
والقصيده العاشره
ردحذفبعنوان
قدم نفسك
قدم نفسك
اسمك ايه؟
قول اللى ف نفسك
قول لو ايه
قدم نفسك
قول على مهلك
سيب خوفك
يفضل يندهلك
ولا تسال فيه
قدم نفسك
اسمك ايه
قول اللى ف نفسك
قول لو ايه
قول يا عم ولا تخافشى
هتخبى ايه
وان خفت مره متقولشى
انا خفت ليه؟؟؟؟؟؟
امضاء : حليم
تعريف بنفسى
ردحذفاسمى:محمد محمد احمد عبد الحليم
وبحب اسم الشهره حليم
21 سنه
بكالوريوس هندسة طيران
قسم افيونيكس
ساكن فى القناطر الخيريه
وارجول يا استاذ امين
تقرا ال 10 قصائد وتقولى رايك ويكون فى ايضا اتصال ما بينا
وسعيد جدا بهذا التعارف
على ذكرك الاحلام
ردحذفاجمل مافى كتابتك
انهخ فيه شعر ممكن يعجبك وتتوقف عنده وبس
شعرك انت من النوع ال الواحد بيتخطى الشعر ويوصل لحاله الشاعر ويتخيل كنيته
finak ya 3am amin argok erga3 tany we 2kraa 3alashan ana ked hat3a2ad
ردحذفشركة الريان من اهم واكبر شركة تنظيف منازل بالمدينة المنورة اعرف اهم واكبر الخدمات وافضل الخدمات الحديثة اليكم كل جديد
ردحذفhttp://www.alrayansa.com/cleaning-apartment-company-medina/
اهم خدمات كشف تسربات المياة بالرياض حيث اننا نعمل علي ان نوفر لافراد عمالة موقع اللويمي حيث اننا نسعي الي التجدد والتميز
ردحذفhttps://www.allowaimy.com/