العيش
العيش السهران
على طاولة عيش عند الفران
العيش اللى يسيب الرده
على مفرش كاروهات ومشمع
فى مائدة الرحمن
العيش اللى بيستنى المدفع
العيش اللى فى إيدك لقمه
تحت الطبلية ينام
على ركبة بنت مربعة وسط اخوات وقرايب
وفوقيهم صورة واحد غايب
العيش فى الجيش
عيش التعيين لجنود جعانين
العيش اللى بنجرى وراه وبيجرى ورانا
العيش اللى بيتفرق فى المولد
والعيش اللى يروح لأشرجية بيفطروا فى الشارع
العيش اللى يروح المدرسة والكيس النايلون فى الشنطة
العيش اللى بيستنى الأوتوبيس جوه الجرنان اللى مبقع زيت
العيش النعمه اللى نبوس بيه جبهتنا ونحطه جنب الحيط
العيش اللى فى صرة منصوره ورايحه لجوزها الغيط
العيش المترصص على ست سْبته راسيين بحوايه
على راس الولد اللى يسوق العجله
العيش اللى بيتقمر ومحروق
ويحب الجبنه البيضا والبطيخ والقته
العيش اللى بيعمل فته
والعيش اللى يغمس فول
العيش الصابح والعيش المبلول
العيش اللى يروح الجنه
والعيش البايت فى مشنه
العيش البايت فى العياشه
والملفوف فى قماشه
العيش اللى معشينا ومعيشنا
ومعشى أبويا وأمى فى زمن الحلميه
ومعشى جدودى الفقرا فى زمن الباشا
ومعشى فراعنة فجر الدنيا
متحنط ويا الموميا
العيش والملح
بينادوا لبعض
وينادوا علينا
تترج السما والأرض
ينزل شلال القمح يغطى الوادى
ويغطى الدلتا
يملا الأفران بدقيق وعجين
وتغنى جموع المصريين
لرغيف العيش
على طاولة عيش عند الفران
العيش اللى يسيب الرده
على مفرش كاروهات ومشمع
فى مائدة الرحمن
العيش اللى بيستنى المدفع
العيش اللى فى إيدك لقمه
تحت الطبلية ينام
على ركبة بنت مربعة وسط اخوات وقرايب
وفوقيهم صورة واحد غايب
العيش فى الجيش
عيش التعيين لجنود جعانين
العيش اللى بنجرى وراه وبيجرى ورانا
العيش اللى بيتفرق فى المولد
والعيش اللى يروح لأشرجية بيفطروا فى الشارع
العيش اللى يروح المدرسة والكيس النايلون فى الشنطة
العيش اللى بيستنى الأوتوبيس جوه الجرنان اللى مبقع زيت
العيش النعمه اللى نبوس بيه جبهتنا ونحطه جنب الحيط
العيش اللى فى صرة منصوره ورايحه لجوزها الغيط
العيش المترصص على ست سْبته راسيين بحوايه
على راس الولد اللى يسوق العجله
العيش اللى بيتقمر ومحروق
ويحب الجبنه البيضا والبطيخ والقته
العيش اللى بيعمل فته
والعيش اللى يغمس فول
العيش الصابح والعيش المبلول
العيش اللى يروح الجنه
والعيش البايت فى مشنه
العيش البايت فى العياشه
والملفوف فى قماشه
العيش اللى معشينا ومعيشنا
ومعشى أبويا وأمى فى زمن الحلميه
ومعشى جدودى الفقرا فى زمن الباشا
ومعشى فراعنة فجر الدنيا
متحنط ويا الموميا
العيش والملح
بينادوا لبعض
وينادوا علينا
تترج السما والأرض
ينزل شلال القمح يغطى الوادى
ويغطى الدلتا
يملا الأفران بدقيق وعجين
وتغنى جموع المصريين
لرغيف العيش
2004
والله العظيم هاين عليا أرقع زغروتة :)
ردحذفمنور يا أمين :)
أنا حبيت القصيدة دي أوي..لكن طبعاً هي أحلى كتير لما بتقراها إنت :)
الله الله
ردحذفوأنا كمان بحبها منك
نورت دنيا البلوجرز يافندم
:)
كتير حلوة القصيدة يا أمين، و أنا مبسوطة كتير إنو صرت أقدر أقرا دايماً قصايدك الجميلة برغم المسافة بين بيروت و القاهرة. بس بصراحة أخدتني ثواني حتى فهمت إنو العيش قصدك فيه "الخبز" مش "الحياة"، فمنيح إنّك ما جبت سيرة "اللبن" و الزبادي" ههههه
ردحذفسلامات لحبايبي بمصر
خلود
صراحة-لجهل مني- ماكنتش أعرف إني فؤاد حداد مخلف شاعر قدير كده
ردحذفعندي 6 اجزاء لفؤاد ..وبقيت مدمن قراءة شعر عامي ليه
أول قصيدة أسمعهالك .. واحد صديق أهداني مقطع صوتي ليك في حفلة وانتا بتقول
"ببلااش"
قد إيه كانت مؤلمة
قد إيه كنت معبر فيها بصوتك اللي امتزج بالكلمات
رحت معرض الكتاب بدون تردد اشتريت في الموت حانعيش
وكالعادة أبهرني
حقيقة نفسي أقابلك !!
تحياتي
جميييله
ردحذفجدا
مدونه أكيد هتكون ثريه جدا
يا رحاب أنا باحب الزغاريد
ردحذفبتعرفى تزغرطى بجد ؟
أنا متشكر جداً
وشكراً يا حسام
المدونات منوره بأهلها أنا ضيف عليكم
يا خلود أنا باسعد جداً لما باسمع عنك أو منك وفؤاد حداد بيقول فى قصيده له
بديهيّه ان الخبز يكون
إسمه الخبز و إسمى فؤاد
و أبوىَ سليم الحدّاد
إسمه الخبز و إسمه العيش
بنقول إيه والاّ نقول إيش
إحنا شوام فى البرّ نعوم
غنوتنا غنوة برهوم
بديهيّه ان القَطر يقوم
بديهيّه إنه ما يوصلش
بديهيّه إنى مظلوم
لما يا مصر يصيبك خدش
يا حامد
شكراً جزيلاً
أنا أحب أقابلك أنا كمان
قوللى ازاى (ابعت لى ميل)
وشكرا يا هانى
أنا عجبتنى "زلطه ملونه بتلمع"
و أنا بردو بقول النور ده جاي منين
ردحذفنورت البلوجوسفير يا أمين و مبروك على المدونة
:-)
فاكر سلوى حجازي
ردحذففاكر 21/فبراير 1973
احي ذكراها يوم الاربعاء 21/2
العيش اللى فى صرة منصوره ورايحه لجوزها الغيط
ردحذفمش معقول هالصورة شو حلوة
جميل جدا جدا
قصيدة فعلا ما بينشبعش منها :)
بجد مرسي انك نورت عالم التدوين و سمحتلنا نقرالك
ردحذفsadi2i el 2asideh 7ilwi bass bil akher btitzabbat ya3ni mbalshi 2awiyeh btotla3 ba3dene btinzal w shoukran w iza 3abelak zournihttp://terroristporno.blogspot.com/
ردحذفbye
كل تقدير واحترام لك ولأبدعاتك الجميلة
ردحذفإليك مدونة شاعر تستحق زيارتك
http://mosaiiic.blogspot.com/
انت جميل بجد ورائع يا عم امين....بس انا نفسى اعرف ..ليه فى قوافى مش متفقه مع بعضها....وعلى اى اساسا كتبتها كده
ردحذفشركة مكافحة حشرات بمكة
ردحذفشركة مكافحة حشرات بمكة تعد الشركة الأولى من نوعها في مجال مكافحة الحشرات ، لأنها تهتم بمتابعة كل ما هو جديد وحصري في مجال مكافحة الحشرات فضلاً عن اهتمامه باستخدام أفضل أنواع المبيدات الحشرية الآمنة على حياة الإنسان والتي تتميز بفاعليتها الشديدة في القضاء على جميع أنواع الحشرات من خلال أول الجلسة .
مكافحة حشرات بمكة