رسم
أنا بارسمك خطوط خطوطعينين و شَعْر و شفّتين
و خصلتين على الجبين
و البحر يرمى على الشطوط
ألوان بتنشع فى الورق
أزرق ... بنفسج ... فسدقى ... اسود غطيس
أمّا القمر
حطّيته جنبك مكتمل
يصبح على شمالك عريس
أنا بارسمك واحشانى فى السفر البعيد
بينى و بينك طيّارات
و ارسم دموعك جوّه سلك التليفونات
و لمّا اعود
أدوب فى ضحكة غمّازاتك فى الخدود
و ارسم فى أودتك شمعدان
و ارسم لهيب الشمع بالورق المفضّض
تتنطّط الألوان
ألقى السما فوق القماش
متلوّنه بألوان جواش
أفرح أنا
و احط شمس كبيره فى الناحيه الشمال
و زهريات الورد فى الناحيه اليمين
و سندوتش الجبنه فى ايدين العيال
و عينيكى وسط اللوحه بتقول لى ... باحبّك
تتجنّن الفرشه فى إيدى و ارسمك
على قيشانى الحمّامات
و ايديكى بترغّى الصابون فوق البدن
و الميّه تنزل فوق نهودك تشهقى
أشهق معاكى و ارسمك فوق السرير
و اطفّى نور الأوده بالقلم الرصاص
أمين حداد سبتمبر 1984
الصورة للفنان الفرنسى هنرى ماتيسس وله أيضاً الصورة المصاحبة لقصيدة حكاية الشمس مع ربات البيوت
مهما أقولك مش هاقدر أوصفلك إزاى آبا فؤاد غيرنى و بيغرنى لدرجة إن أنا لما بخاف من الدنيا بلبس نظرة عينيه اللى على غلاف الأعمال الكامله و انزل أواجه الدنيا و ساعات كتير بيقعد معايا على السرير .. بيتهيألى إن أحسن صدقه جاريه على روح أبونا فؤاد حداد هيه شعره
ردحذفبالنسبه للقصيده
حاله حلوه قوى و بصراحه متماسكه
الصور أغلبها جديد
النهايه طبعا أكتر من رائعه
عم أمين على فكره إحنا نعرف بعض من أيام حفلتى اللى كانت فى الساقيه فى ديسمبر اللى فات و كلمك عليها الشاعر أحمد رأفت .. فى الحقيقه مش قادر أوصف إحساسى و انا بكلم حد من دم عمنا فؤاد حداد .. عارف أنا أوقات بفكر يا ترى بتضايق شويه من إستهلال الكلام بعمنا فؤاد .ز انا مش جى أوقع بينكم لكن ما عرفش فكره جت على بالى
ردحذفالقصيده جديده قوى و الجميل فيها إن كل صوره على حدى مش جديده لكن توظيفهم و تركيبة القصيده جديده جدا
و اطفّى نور الأوده بالقلم الرصاص
ما عنديش كلام يوفى حقك فى البيت ده
عارف يا عم أمين أنا لما بجيب سيرتك أو أجيب سيرة عم فؤاد بعرف قد إيه إزاى الواحد يكون إنسان محترم و فنان محترم و طفل كبير
أ / أمين مش عايز أطول عليك فى اول تعليق لكن بجد نفسى أرغى معاك كتير
هيثم محفوظ
فظيعة
ردحذفكأنك عم تكتبنا أنا و خطيبي الي بيشتغل بدُبي
حسيت بكل كلمة عم تقولا كأنا من تمّي و تمّو (يعني من بُقّنا)
روعة بالتعبير
أنا عشقت هالقصيدة
"بينى و بينك طيّارات
و ارسم دموعك جوّه سلك التليفونات
"أفرح أنا
و احط شمس كبيره فى الناحيه الشمال
و زهريات الورد فى الناحيه اليمين
و سندوتش الجبنه فى ايدين العيال
و عينيكى وسط اللوحه بتقول لى ... باحبّك
تتجنّن الفرشه فى إيدى و ارسمك
على قيشانى الحمّامات
و ايديكى بترغّى الصابون فوق البدن
و الميّه تنزل فوق نهودك تشهقى
أشهق معاكى و ارسمك فوق السرير
و اطفّى نور الأوده بالقلم الرصاص
"
إيه الجمال دى؟؟؟؟؟ ممتعةّّّ!!! واو
استاذي .. امين حداد
ردحذفاحب اعرفك بنفسي اولا
انا من نوه عني هيثم محفوظ
وانا من قابلته في نقابة الصحفيين واعطته بيدك بعض من فاد حداد
وانا من يسري في دمه حبه للشعر
لا استطيع ان اصف مدي الروعه والجمال في هذه القصيدة
بالذات البيت الاخير
واطفي نور الاوضة بالقلم الرصاص
جااااااااااااامد موووووووت
بصراحه مش عارف اقولك ايه بالرغم اني مش باحب حد يقرا اعمالي ويقولي عليها حلوة ويسكت
الا اني مش قادر اقولك غير حلوة
تحياتي
ادم المصري
محمد أبو الفتوح:
ردحذفأنا اتأثرت جدا بكلامك - حسيت ان فؤاد حداد لسه عايش
هيثم:
أنا مش باتضايق أبدا من الكلام عن فؤاد حداد بالعكس أنا بافرح جدا لما بالاقى شباب صغير زيكم بيقروه وبيحبوه باحس ان الدنيا لسه بخير
خلود:
مبسوط ان القصيده عجبتك رغم انى كتبتها من أكتر من 22 سنه يمكن كنت قدك أو أكبر منك شويه :) ربنا يرجع لك خطيبك بالسلامه ويتمم لكم بخير
آدم المصرى:
شكرا ... مش مهم تقول حلوه وتسكت أو حلوه وتتكلم المهم انك تقول حلوه من القلب وتكون عجبتك بجد
الحرية للعريف الوطني محمد خلف
ردحذفالحرية للعريف الوطني محمد خلف
ردحذفو ايديكى بترغّى الصابون فوق البدن
ردحذفو الميّه تنزل فوق نهودك تشهقى
أشهق معاكى و ارسمك فوق السرير
و اطفّى نور الأوده بالقلم الرصاص
الله !
القصيدة دي إتكتبت بعد ما إتولدت بخمس شهور :)
أنا ممتن لك
ردحذفأحب هذه القصيدة التي تقطر حناناً وعذوبة وتسمو بالحب إلى درجة التوحد
أخي أمين: أنت تمنح الوردة اسمها وعطرها..وتعيد كتابة تاريخ الأشواق
وأسرار العشاق
كل الشكر لك يا صانع السعادة
و سندوتش الجبنه فى ايدين العيال
ردحذف...
يعني ما بعرف كيف بتلاقي هالصور يا رجل
بصدق .. كلما قرأت المزيد ازددت جوعا لشعرك
قصيدة جديدة او قديمة مش مهم
شي جميل .. فعلا جميل
يا ألف نهار أبيض
ردحذفيا ألف مبروك على المدونة
عقبال الديوان الجديد يا رب
.......
أمانة يا حبايب
لو تقسموا لي نايب
من حبكم أزقطط
وأفضل قاعد معاكم
راضي وطالب رضاكم
ولا عندي دموع أعيط
ولا عندي جناح أطير
أنا بلياتشو صغير
.......
تحيات واحترامات
يا سلام...أنا مبسوطة أوي إن يومي بدأ بالألوان واللوحات الجميلة دي :)
ردحذفتسلم إيدك يا أمين :)
الله الله يا أستاذ أمين .. أنا واحد معجب بفنك من زمان ..تحيه لك و إلى تلك الشجرة المثمرة
ردحذفشكرا للتعليقات الجميله
ردحذفيا محمود انت مولود فى 1984 مع أحمد حداد- ده يبقى عام الشعراء والا ايه
يا ياسر متشكر جدا على الكلام اللى خلانى مش عارف أعمل ايه فى نفسى - بس كده أنا مش مستغرب ليه ايمان يتكتب بالشكل الجميل ده - اللى بيقدّر الفن زيك يخلّى اللى حواليه يكتبوا و يفنّوا
شكرا يا أمل ويا أميرة ويا رحاب ويا بوسبوس نورتوا الدكانه قصدى المدونه
أنا بارسمك واحشانى فى السفر البعيد
ردحذفبينى و بينك طيّارات
و ارسم دموعك جوّه سلك التليفونات
الله عليك يا عم امين
كمان من اكتر الحاجات اللى بحبهالك
انا عندى ليكى حضن
خديه احسن يضيع
بجد حضرتك شاعر جميل جدا جدا
انا برضه قابلت حضرتك مرة يوم امسية احمد حداد فى رمضان اللى فات ولو تفتكر انا اللى سلمى صباحى قالت انى من بورسعيد
تسلم ايدك بجد يا ابو احمد
ماشيين
ردحذفولان الدنيا مبتديش محتاجح ضحكه
ولان الناس
بتموت ف اليوم مرة ومرة
مرة
لما يزيد الحمل عليك
ومرة
لما صورتها تيجى ف ايديك
ولانك
لو صبيت البحر ف ايدك
مش هينوبك
الا ما اد ما ايدك تاخد
وانا مش عارف
ليه كل ما اشوفها
انا دايما بعطش
اخر جلا ليبى
بقلعها
وافردها شراع
عريان لجل عنيها
والبرد معلم فوق تفاصيلى
كل حكاوى الشتا والناس
حلوة يا استاذ امين
مع انها مكتوبه فعصر الركود الادبى
انتا من جيل التمانينات
غريبه اوى
لو كانت مكتوبه فى التسعينات مكنتش اتصدمت كنت قلت عادى
على فكرة انا نشرتها فى المدونه بتاعتى
اسف انى مستاذنتش
allah allah begad
ردحذفلقد ارسل لي رابط هذه القصيدة ذات يوم
ردحذفو ها انا الان اعود اليها و ابكي عل اطلال حب لم اعرف كيف احميه و ادافع عنه الان ساطفئ النور بقلم الرصاص
دمت
كل التقدير والاعجاب والاحترام للأعمال المميزة
ردحذفيا ترى قلت لرحاب حواديت كل سنة وانتي طيبة
أبوعلي( مدونة فض فض ) انتظروها
ها نفض فض مع بعض
والله ما اجمل شعرك يا استاذ بجد امتعتنا
ردحذفnulllllllllllll
ردحذفouhhhhhhh m7iebkom majitou chi ya 7noucha ch7nach m3a 7na ch tswi site 7noucha n3rfkom twa mkomchi tfhomo fioa ma rakom 7noucha
ردحذف