فى هجاء القطة
القطة بتتمطع وتنام ... على كنب البيت
وتقطّع فى السجاد
وتقوم تنده ع الموعود
“أنا عايزة وليف ، أنا عايزة داوود"
وداوود ع السلم
بيقلب فى زبالة العمارات
أو بيطارد فار فى الخرابات
أو ماشى على السور
أو لابد فى الضلمة
وعينيه الاتنين يبرقوا بالنور
القطة عينيها قزاز
وبتولد فى الصندوق
بترضع أولادها بست بزاز
وسبعة ارواح
وحنان مسروق
القطة بتتمسح فى اللى بياكلوا على الطرابيزة
فروتها الناعمة فى رجليهم
ديلها لفوق
بتعوص وتقول : أنا هنا وياكم
لكن ببجاحة وقلة ذوق
وساعات تتمسكن
وتشب على الكرسى برجليها القدمانية
وتخبط ...
وتقول للى بياكل : " انت بتاكل إيه ؟"
وتغمض علشان تصعب حبة عليه
الصورة على الحيط
القطة معاها كررية خيط
القطة بتلعب ويا الدبان
ويا الصراصير
ولا عمرها ضحكت مره لإنسان
ولا عمرها حنت على كائن
القطة الدائن
وصاحبها مدين
بالأكل ... بالتمليس ع الفروة
على رقبتها ... وتكركر هيه ...
مطمنة لعبيدها البنى آدمين
القطة تشبه لعمامها نمور الغابة
وخيلانها السنانير
كل الحيوانات اللى استأنسها الإنسان ... شغاله
الكلب غفير
والصقر شاهين صياد بيطير
جوقة مزيكا العصافير
وفراخ ومعيز ومواشى ... خيرها وفير
إلا القط ...
.. جاى عشان ... يبقى أمير
1999
وتقطّع فى السجاد
وتقوم تنده ع الموعود
“أنا عايزة وليف ، أنا عايزة داوود"
وداوود ع السلم
بيقلب فى زبالة العمارات
أو بيطارد فار فى الخرابات
أو ماشى على السور
أو لابد فى الضلمة
وعينيه الاتنين يبرقوا بالنور
القطة عينيها قزاز
وبتولد فى الصندوق
بترضع أولادها بست بزاز
وسبعة ارواح
وحنان مسروق
القطة بتتمسح فى اللى بياكلوا على الطرابيزة
فروتها الناعمة فى رجليهم
ديلها لفوق
بتعوص وتقول : أنا هنا وياكم
لكن ببجاحة وقلة ذوق
وساعات تتمسكن
وتشب على الكرسى برجليها القدمانية
وتخبط ...
وتقول للى بياكل : " انت بتاكل إيه ؟"
وتغمض علشان تصعب حبة عليه
الصورة على الحيط
القطة معاها كررية خيط
القطة بتلعب ويا الدبان
ويا الصراصير
ولا عمرها ضحكت مره لإنسان
ولا عمرها حنت على كائن
القطة الدائن
وصاحبها مدين
بالأكل ... بالتمليس ع الفروة
على رقبتها ... وتكركر هيه ...
مطمنة لعبيدها البنى آدمين
القطة تشبه لعمامها نمور الغابة
وخيلانها السنانير
كل الحيوانات اللى استأنسها الإنسان ... شغاله
الكلب غفير
والصقر شاهين صياد بيطير
جوقة مزيكا العصافير
وفراخ ومعيز ومواشى ... خيرها وفير
إلا القط ...
.. جاى عشان ... يبقى أمير
1999
الله
ردحذفجميل قوى يا عمنا
الحلو قوى إن القصيده بحسها بتحصل قدامى
و التفاصيل البسيطه اللى من كتر بساطتها ما عدناش بناخد بالنا منها رغم جمالها
زى الصوره المشهور للقطه و كررية الخيط
بجد بجد
الله عليك
أ / أمين
ردحذفو الله مانا عارف أقول إيه . أنا مش عارف أبتدى منين . فهكتفى بشوية الصور اللى عجبتنى ف القصيده
بترضع أولادها بست بزاز
وسبعة ارواح
وحنان مسروق
***********
الصورة على الحيط
القطة معاها كررية خيط
***********
كل الحيوانات اللى استأنسها الإنسان ... شغاله
الكلب غفير
والصقر شاهين صياد بيطير
جوقة مزيكا العصافير
وفراخ ومعيز ومواشى ... خيرها وفير
إلا القط ...
.. جاى عشان ... يبقى أمير
الله عليك يا عم أمين
القطط
ردحذفعالم آخر
:)
و القصيدة هذه عالم بأبعاد اكثر خفة من خطوات قطة
باين عليك متضايق م القطط اوى
ردحذفقصيده حلوه
ya Amin el qasida di bet fakkarni be La Fontaine Bass enta dammak akhaf menou!!Mona Jean
ردحذفya Amin el qasida di bet fakkarni be La Fontaine Bass enta dammak akhaf menou!!Mona Jean
ردحذفالقط فايدتها في وجدها معانا
ردحذفحلوة اوي
نص جيد إلى حد كبير
ردحذفرائع اختيار الصور و الموضوع أصلا مميز
تعاملك مع الأشياء متقن للغاية
تحياتي
وبعدين بقى.. حنغلط في الكلاب يا حسام! مالها العاطفة البلهاء غير المشروطة بأي شيء؟ أنا بأيّدك تماماً في القصيدة دي يا أمين.. خصوصاً في الحتة بتاعة:
ردحذفولا عمرها حنت على كائن
القطة الدائن
وصاحبها مدين
بالأكل ... بالتمليس ع الفروة
على رقبتها ... وتكركر هيه ...
مطمنة لعبيدها البنى آدمين
:))
والحتة بتاعة: وتقول للى بياكل : " انت بتاكل إيه ؟"
وتغمض علشان تصعب حبة عليه
:))))
فعلاً لو في يوم من الأيام حد عايز يعمل دراسة في "سيكولوجية القطط" لازم يستعين بالقصيدة دي!
بس الكلاب اللي زي حالاتي بقى بيحبوا القطط رغم كل ده.. ماحنا عبيدهم زي ما انت قلت!
رائعة هالقصيدة يا أمين، دمّا خفيف و محتالة في سلاستها متل احتيال القطة، باللبناني: متل احتيال "البسينة" هه :)
ردحذفلأ طبعاً أنا ما بدّي إجرح إحساس حسام و كوكو :)
بس بصراحة معك حق يا أمين 100% لأنو القطط هي من الحيوانات الأليفة الي علاقتا مع صاحبا تكون بدافع الأنانيّة لمصلحة
القطة.
و الدليل الجارح على ذلك، إنو القطة بتاكل جثة صاحبها إزا جاعت، بينما الكلب يموت من الجوع جنب جثّة صاحبو... فالكلب وفيّ لأنه يستبدل صورة قائد القبيلة من ذاكرتو الجماعية بصورة الإنسان، بينما القطة تعرف أنها تحتاج الإنسان ليوفي لها حاجاتها...
بس البسينة كمان حلوة و مش معناها إنو هي بتكزب لما تكركر مشتاقة لنا :)
:)))) رررررررر، مياااااااو...
انا اسف
ردحذفلو تسمحلى اقولك انها مش بس عن جد رائعه انما هى كمان ضرب فى حاجات شخصيه للنقطه دى ال بتتماس فيها القصيده مع مشترك للمتلقى
ده سر روعتها انت بتستدعى افكارك .. مشاعرك من مسكنه وتودد مزيف وامارة ونهم وشره من
من حاجه ودوده اوى وحميميه زى القط للبنى ادم
وبتضرب ف ده
عارف
بتبقى قصيدتك رائعه عندى لانها بتكشف عن تفاصيل عالم
تفاصيل من حاجات معروفه مسبقا
بس انت ببراعه بتعيد اكتشافها
لانك منها _وده بسحر_ فى التقاطك للتفاصيل دى
بتتطلع منها لعوالم خفيه بتخص كل واحد لما تتك على حاجات عنده خاصه باستغلاله او تعبيده من حد او وجود شيء ف حياته بيستحوز منه على ارادته
عن جد قصيدتك رائعه
بس تعبنى خروجك منها
لانك كشفت اوى عنها بمقارنتها بكل الحيوانات للبنى ادم
حجمتها
بالنسبالى
بالنسبالى بس اسمح لى
كنت افضل تنهيها عند القط من غير حيوات او شخوص اخرى
من قبل بيتك
القطة تشبه لعمامها نمور الغابة
وخيلانها السنانير
ده كان مدينى براح انى اخرج من القط لحاجات شبه القط عندى
برواز كبير فى الصاله عندى للشخصيات او الاحاداث المتورطه فيا
ليها نفس اداء القط
إيه يا أمين الكلام ده؟؟ إنت بس لو كنت عرفت كفتة لوقت أطول...كنت سحبت القصيدة دي على طول :P
ردحذفالقطط أنانية ومتطلبة...بس بتدي حنان لما هي تكون عاوزه...مش بتفرقه كده على أي حد في أي وقت...هي سايبة؟ :))
بس إنت عارف...بغض النظر عن القطط أوي يعني...القصيدة جميلة جدا! :))
رائع
ردحذف