حكاية الخيال على قهوة سيّد جابر
بصيت على بيتنا من بيت الجيران
لقيتنى قاعد هناك
و بيتنا بص علىّ وانا عند الجيران واستغرب
ايه رأيكم ان ساعات الخيال بيكهرب
و ساعات يتهرّب
و ساعات بيدور زى الدبور ويحط فوق البلاطه الحمرا فى حوش أم سرور
و ساعات بيخش لا إحم ولا دستور
و ساعات بيغيب
و يرجع جايب رصة قباقيب جنب حصيرة الفسحه
لقيتنى قاعد هناك
و بيتنا بص علىّ وانا عند الجيران واستغرب
ايه رأيكم ان ساعات الخيال بيكهرب
و ساعات يتهرّب
و ساعات بيدور زى الدبور ويحط فوق البلاطه الحمرا فى حوش أم سرور
و ساعات بيخش لا إحم ولا دستور
و ساعات بيغيب
و يرجع جايب رصة قباقيب جنب حصيرة الفسحه
أحياناً يتلخبط مع صوت جاى لك من عالم تانى خيالى
اسمه الواقع
بس خيالى له فى ليالى الأنس ليالى
مره خدنى معاه على قهوة سيّد جابر
اللى عمرى ما قعدت عليها
سقف للقهوجى
- نزّل هنا طلبات .... هات من ماضى العمر حاجات
بصيت لخيالى بعتاب
- اطلب لنا عنّاب
القهوجى جه يتمايل
وفى إيده صينيه ... فوقها شوارع نفسها تبقى حوارى ... مليانه عيال
عشت سنين فى ثوانى
وقابلت الأجيال
واحنا فى قهوة سيّد جابر
فجأه لقيت الكون بيضيق
و خيالى بيتتاوب
بيسقف للقهوجى و يقول لى
- انت اللى تحاسب يا صديق
اسمه الواقع
بس خيالى له فى ليالى الأنس ليالى
مره خدنى معاه على قهوة سيّد جابر
اللى عمرى ما قعدت عليها
سقف للقهوجى
- نزّل هنا طلبات .... هات من ماضى العمر حاجات
بصيت لخيالى بعتاب
- اطلب لنا عنّاب
القهوجى جه يتمايل
وفى إيده صينيه ... فوقها شوارع نفسها تبقى حوارى ... مليانه عيال
عشت سنين فى ثوانى
وقابلت الأجيال
واحنا فى قهوة سيّد جابر
فجأه لقيت الكون بيضيق
و خيالى بيتتاوب
بيسقف للقهوجى و يقول لى
- انت اللى تحاسب يا صديق
أمين حداد
2006
الصورة المصاحبة لـ فان جوخ
i m ssure you have an audio for most of those Kasa2ed
ردحذفfrom omseyat el Sakia maybe
can you put as much as you can
hearing you while saying them is great
thanks
جميلة فعلا
ردحذفبس ممكن حضرتك تلتفت لطلب مجهول ده
استاذ امين
ردحذففى البداية انا ماقتش مشكله فى قراءة القصيدة ممكن مجهول وتوته توته يكون عندهم حق مش دة المهم
:اللى عايز اقوله
بصيت على بيتنا من بيت الجيراند)
لقيتنى قاعد هناك
و بيتنا بص علىّ وانا عند الجيران واستغرب
ايه رأيكم ان ساعات الخيال بيكهرب
و ساعات يتهرّب
و ساعات بيدور زى الدبور ويحط فوق البلاطه الحمرا فى حوش أم سرور
بيتهيألى يا استاذ امين الجزء ده من السما
على فكرة انا عمل مدونه جديدة
studiosabas.plogspot.com
ودى هتبقى زى مكتبة موسيقية واول حاجة حتطها بعض الاغانى اللى غنيتها فى حفلة الساقية , يا ريت تشرفنى
الله...الله..الله
ردحذفأنا بجد اتخطفت من مكانى
تسلم لنا ع القصيدة المذهلة والصورة الرائعه والحالة الجميلة كلها
:)
شكرا يا توته
ردحذفويا هيثم
ويا سهروردى
وأيها المجهول
بالنسبة لتسجيل حفلة الساقيه أنا حاولت انزل تسجيل فى قصيدة سبعة امتار بس حسيت ان الأفضل ان الناس تسمعنى فى إطار الأمسيه مع بهاءجاهين وحازم شاهين
مش عارف حاعمل كده ازاى بس ممكن أستشير عمرو عبد العليم
أو هيثم يقول لى إزاى عمل المكتبه الموسيقيه اللى مش عارف أدخل عليها لحد دلوقتى :)
الاستاذ امين
ردحذفمعجبتنيش
لاسباب فنيه كتير
لو تسمحلى
الاول
فكرة الموسيقا فى النص الاول منها قبل القهوه مختلفه عن النص التانى الاختلاف ال مش يميز الصورتين لكن ال يخلينى افتكرهم قصيدتين وده كان كافى ان اخرج من دايرة الايهام
الحدث بينتهى وبيفضل تكرارك لنفس الشعور مش تثبيته هو حاكم القصيده
قيس انى اتغاجأت بتعبيرات مجانيه متخيلتكش تستخدمها زى ان العمر عدى عليك ف ثوانى
او ان تخرج عن الطريقه ال اخترت خيالك يتكلم بيها عشان توزن القافيه
فى صديق
لان الخيال ال يقول الجمل الحوار الاول بالبساطه دى صعب يقلب حواره لاستخدام صديق
كان انسب حاجه اكتر شعبيه حاسب انت يا عم او ياصاحبي او اى حاجه تخترها مناسبه لحوار خيال ع القهوة
قيس كمان ان القصيده مش مقفوله بالنسبالى وده مش باب اثراء لان الشعور لا انت ثبته او طورته لان قفلتك بالجمله متمتش معنى لا فلسفى ولا هو اكتشاف من خيالك للحدث
اخيرا روحك ف القصيده تقيله و بتمجد او بتتحسر على وقت فات بدل مابتستدعيها
وعيب اتكلم عن الحاجات الحلوة لانها اصيله فعلا فيك
انك متمكن من روحك وادواتك ف الصورة
بلال
ohbeboشكراً يا
ردحذفأنا قريت تعليقك أكتر من مره
أولا : انت عندك حق فى إن الحالة منفصلة بين بداية القصيده ونهايتها
أو بمعنى أصح نهايتها مستعجله بس القصيده دى ليها أغنيه المفروض تتشبك فيها وانا ما نزلتهاش فى المدونه
الحاجه التانيه أنا ما قلتش العمر عدى عليا فى ثوانى أنا قلت عشت سنين فى ثوانى ومتهيأ لى إنها تختلف
و أخيرا مش عارف فين الحسره أو التمجيد أو ليه كلمة صديق مش حلوه
أنا مش بادافع عن القصيده ... أنا فعلاً مهتم أعرف ليه دى مش عاجباك
وبينى وبينك أنا كمان حاسس ان القصيده دى ناقصها حاجه بس برضه انت ما وضحتليش ايه اللى ناقصها
شكرا جزيلاً يا
ohbebo
يا أمين أنا ما بفهمش في التقنيات لكن القصيدة مست وجداني!
ردحذفمنى قطان
لأ أنا حبيت القصيدة
ردحذفيمكن الشي الوحيد الي ممكن إتسائل عنو هو "النقلة" من المقطع الي قبل المقهى الى المقطع
ما بعد المقهى.
المقطع الأول بيحكي عن الخيال من وجهة نظر واقعية. أما المقطع الثاني فالعكس، بيحكي تفاصيل واقعيّة من وجهة نظر خيالية.
المقطعين بعاد عن بعض لكن هذا البعد بين المقطعين بخلّينا نلمس الفرق الشاسع بين الخيال و الواقع، لكن هذا هو ما يكوّن التيمة الأساسية بالنص. فإزاً هذا البعد بين المقطعين مبرر و يصب في مصلحة التيمة. لذا بعتقد إنو المقطعين بشكلوا وِحدة. و مش ممكن نفكّرهن قصيدتين.
أما فيما يتعلّق بالقفلة فأنا بشوف إنو صحيح الكاتب حلو يرجع الى البداية، لكن خيالو هوّ الي شطح لينتهي بمكان آخر بعيد جدّاً عن البداية و هيدا مبرر لأنو الشطح بالخيال هو عنصر بمضمون القصيدة و بالتالي بشكلها.
تانياً بغض النظر إزا مبررة بالنص أو لأ، أنا مع حرية الكاتب المطلقة
:)
أما عن مضمون القفلة فأنا بعتقد يا صديقي بلال إنو أنا تلقيت العكس تماماً مما تلقّيته أنت. أنا شفت إنو القفلة فيها معنى كتير صائب و زكي ألا و هو إنو خيالك بيشطح، لكن في النهاية، هيدا إنت الي بتدفع تمن شطحانو.
و هون علاقة الخيال بالواقع تجسّدت بشكل محسوس كفعل (للخيال) و ردة فعل( للواقع).
يعني تفاعل بين الواقع و الخيال.
و ما يزيد الطين بلّة هي كلمة "صديق" الي بتحمل معنى اتحاد الواقع مع الخيال لكن في نفس الوقت تحمُّل طرف أعباء اتحاده مع طرف آخر صديق
ما بعرف إزا هلق أنا كمان شطحت فاعزروني أنا لما إشطح ما بعود حدا يفهم عليي
:)
إنو خيالك بيشطح، لكن في النهاية، هيدا إنت الي بتدفع تمن شطحانو
ردحذف:
و خيالى بيتتاوب
بيسقف للقهوجى و يقول لى
- انت اللى تحاسب يا صديق
على فكرة نسيت قول إنو الفرق الشاسع بين الواقع و الخيال واتحادهما في الوقت ذاته هو ما يرتكز عليه أمين بين المقطعين
ردحذف....
و يسبّب اللخبطة
:
أحياناً يتلخبط مع صوت جاى لك من عالم تانى خيالى
اسمه الواقع
طيب أحب أن أدلو بجردلى فى الموضوع
ردحذفأولا : بأتفق بشدة مع رأى خلود
ثانيا : عايز أضيف وأشير لكام نقطة صغيرة ممكن توضح ليه القصيدة عجبانى أرد بيهم على السيد بلال
"فكرة الموسيقا فى النص الاول منها قبل القهوه مختلفه عن النص التانى الاختلاف ال مش يميز الصورتين لكن ال يخلينى افتكرهم قصيدتين وده كان كافى ان اخرج من دايرة الايهام"
أنا أولا مش فاهم يعنى إيه فكرة الموسيقى؟
عموما أنا شايف ان الجزء الأول من القصيدة مبتدأ (ما قبل القهوة) والجزء التانى خبر (مابعد القهوة)، فلنفترض أننا فصلناهم،حنكتشف بالمحاولة أن كل جزء سواء الأول (المبتدأ) أو التانى (الخبر) لا يصنع قصيدة قائمة بذاتها (لا يصنع جملة مفيدة قائمة بذاتها)
تشخيص الخيال فى المقطع الأول هو تمهيد وبداية لوصف مقدرته على جذب الشاعر للقاعد على قهوة سيد جابر اللى عمره ما قعد عليها
"لان قفلتك بالجمله متمتش معنى لا فلسفى ولا هو اكتشاف من خيالك للحدث"
أظن أن أكتشاف قهوة سيد جابر ده حدث مهم جدا للشاعر ولو عايز تعرف ليه؟ ففى مقال صغير -لا أذكر إسمه- نشره يوسف إدريس فى كتاب جمع مجموعة من مقالاته إسم الكتاب (بصراحه غير مطلقه) بيشرح أهمية إكتشاف قهوة السيد جابر
روح الأستاذ امين مش تقيلة بالمعنى السلبى فى القصيدة لكن القصيدة إيقاع أحداثها هادى بطبيعه حال الجلوس على القهاوى
لا تجميد أو تحسر على الماضى فى القصيدة هل أقدر أعتبر نظرة عتاب الشاعر لخياله عندما طلب الخيال أشياء من الماضى تمجيد للماضى أو تحسر بل على العكس ؟
أنا بتأسف لأستاذ أمين لو كنت فلسفت أو عقدت الأمور زيادة عن اللزوم
و.... مساءكم فل
كان عندي قناعه لحد فترة قريبة ان شعر العامية لازم يكون موزون او الموسيقي فيه صارخة بشكل فاج
ردحذفيمكن لان قراءاتي كانت محصورة ما بين بيرم التونسي او احمد فؤاد نجم
لكن من يوم ما حضرتك ادتني ديوان العظيم فؤاد حداد
وانا بقيت ابص للشعر العامية بطريقة مختلفه يمكن معرفتش اوصفها كويس لان فؤاد حداد بعيد عن وقتنا ..بس لما شوفت شعرا كتير زي حضرتك وزي ناس صحابي كتير
عرفت ساعتها ان القصيدة العامية مش مجرد طنطة او حاجة بالبلدي بتقول اللي مش عارف الراجل العادي يقوله
القصيدة العامية كتله احساس .. وراها حد بيحس وبيشوف اللي الناس لم تدرك اصلا باحساسها وجوده لسه
عشان كدا لما قريت القصيدة في البداية ما مشيتشي ورا وزن .. ومادورتش علي موسيقي
انما دورت فقط علي بواطن الاحساس في الكلام
وكاني باتفرج علي مسرحية ممتعه او فيلم سينمائي رائع او باسمع حفله اوركيتسرا سيمفوني في الاوبرا
نفس كتله الاحساس اللي هتاخدها م الحجات دي .. هتديهالك القصيدة
بصراحه بحيييك جدا جدا جدا علي طريقتك الجديدة واسلوبك المميز
يمكن ما يعجبشي بعض الناس
بس دائما انا اخذ في اعتباري انه لولا اختلاف الاذواق لابارت السلع
تحياتي اليك كثيرا والسلام
ليه الناس ما تبطلش فزلكه وتحليل و هربده في القصايد وتستمتع بيها وخلاص
ردحذفأستاذ أمين شعرك بيمتعني وبيدخل قلبي وبيخلي مخي يشتغل. مفيش أحلا من كدا
يا دين النبي
ردحذفيعنى ممكن ينفع الشعر من غير وزن وقافيه وف النهايه نسميها قصيده...انا فعلا مستمتع بالكلمات كانها سيموفونيه رائعه بس مستغرب فين الاوزان والقافيه المتظبطه ...لان فى ابيات خارج القافيه...ولا دى نوع مختلف من القصايد....ياريت حد يفهمنى
ردحذفthank you
ردحذفاخبار السيارات